SpaceX Crew Dragon-тың алғашқы адам басқаратын миссиясының басталуына санаулы күндер қалды. Кеме мен зымыран ангарға жеткізілді, ғарышкерлер карантинде.
15 мамыр күні кешке «Crew Dragon» Канаверал мүйісіндегі Әскери-әуе күштері базасынан Кеннеди ғарыш орталығының (NASA) 39А ангар алаңына жеткізілді. Онда капсула Falcon 9 зымыран тасығышымен «кездесті».27 мамырға жоспарланған ұшырылым 2011 жылдан бері АҚШ-тың алғашқы ұшыруы болмақ. Егер бәрі жоспарға сай болса, онда 28 мамырда бортында екі ғарышкері бар кеме Халықаралық ғарыш стансасымен түйісуге дайын болады.
Алдағы күндері SpaceX Crew Dragon топтамалары ангардың ішіндегі кеме мен зымыран арасындағы механикалық және электрлік байланыстарды тексереді.
Әрі қарай ұзындығы 65 м болатын капсула мен зымыранның біріктірілген құрылымы кранның көмегімен зымыран тасымалдаушыға ауыстырылып, 39А ұшыру алаңына жіберіледі. Онда зымыран тік күйде орнатылады. Осыдан кейін жанармай құю сынақтары, сондай-ақ негізгі қозғалтқыштарды сынақтан өткізу басталады. Ол келесі аптада өтеді деп жоспарланған.
Сонымен қатар, экипаж мүшелері 20 жастағы Боб Бенкен мен 53 жастағы Даг Херли Хьюстондағы үйлерінде 49 мамырға дейін карантинде болады. Ал сәрсенбіде NASA Gulfstream ұшағы оларды Кеннеди ғарыш орталығына апарады, онда астронавтар соңғы аптадағы жаттығуларды бастайды.
Сондай-ақ оқыңыз:
пікір қалдыру